«Bos patrondar atylady»: Almaty polıtsııasy turǵyndarǵa úndeý jasady

ALMATY. KAZINFORM – Almatyda 2011 jyly Tarazda bolǵan oqıǵa jelisi boıynsha «Kapıtan Baıtasov» kórkem fılm túsirilip jatyr. 

Osyǵan baılanysty Almaty polıtsııasy qala turǵyndary men qonaqtaryna úndeý jasady.

«Almaty polıtsııa departamentinde túsirilim jumystary júrgizilip jatyr. Túsirilim kezinde bos patrondar atylatyn kórinister bolady (16:30-dan 19:30-ǵa deıin). Sondyqtan azamattardan sabyrlylyq pen túsinistik tanytýlaryn suraımyz», - dep habarlady vedomstvodan.

Eske sala keteıik, Tarazda 2011 jyly 12 qarashada lańkesterdiń qylmysy saldarynan 7 adam qaza tapqan, onyń 5-eýi polıtsııa qyzmetkeri, 2-eýi azamattyq tulǵa. Polıtsııa kapıtany Ǵazız Baıtasov sol atys kezinde adamdardy qutqarý úshin granatasy bar lańkestiń jolyn kesý kezinde qaza tapty. QR Tuńǵysh Prezıdenti Nursultan Nazarbaevtyń Jarlyǵymen oǵan qaıtys bolǵannan keıin Halyq Qaharmany ataǵy berildi.

2021 jyly Tarazda Baýyrjan Momyshuly atyndaǵy «Jeńis» saıabaǵyna Ǵazız Baıtasovqa eskertkish qoıyldy.