Bos oryndar jármeńkesine myńǵa jýyq astanalyq qatysty

ASTANA. QazAqparat - Astana qalasynda bos oryndar jármeńkesi ótti. Oǵan elordanyń 23 kásiporny qatysty, Astana qalasynda jumysqa ornalasý máseleleri boıynsha konsýltatsııa alý úshin myńǵa jýyq adam keldi. Bul týraly elorda ákimdiginiń resmı saıtynda habarlady.

Jármeńkege barlyǵy 280 bos oryn usynyldy, olardyń arasynda aspaz, pisirýshi-kondıter, júrgizýshi, býhgalterdiń kómekshisi, baǵdarlamashy jáne AT maman, tiginshi-operator, qurylys uıymdarynyń jumysshylary jáne t.b. bar.

Jármeńkege kelýshiler Astana ákimdiginiń Jumyspen qamtý ortalyǵy kórsetetin memlekettik qoldaý sharalary týraly aqparat aldy.

Jármeńkege kelgen 1000 qalalyqtyń 968-i «Jumyspen qamtýdyń jol kartasy 2020» baǵdarlamasyna qatysý máseleleri boıynsha konsýltatsııa aldy, 390-y jumys berýshige konsýltatsııaǵa jiberildi.