Bos qalǵan 4 myń bilim granty ıesin tapty

Qazaqstan Respýblıkasy Ǵylym jáne joǵary bilim mınıstrligi jazǵy qabyldaý naýqanynyń qorytyndysy boıynsha konkýrstyq taǵaıyndaýdan keıin qalǵan bos granttardy taǵaıyndaý jumystaryn aıaqtady, dep habarlaıdy QR Ǵylym jáne joǵary bilim mınıstrliginiń baspasóz qyzmeti. 

Respýblıkalyq konkýrs komıssııasynyń otyrysy ótti. Granttardyń basym kópshiligi pedagogıkalyq jáne ınjenerlik ǵylymdar, sonymen qatar «Aqparattyq-kommýnıkatsııalyq tehnologııalar», «Jaratylystaný ǵylymdary, matematıka jáne statıstıka» salalaryna bólindi.
Komıssııa sheshimimen 4000-nan astam talapker memlekettik bilim grantynyń ıegeri atanady.
Grant ıegerleriniń tizimderi 2023 jyldyń 28 qyrkúıeginde Qazaqstan Respýblıkasy Ǵylym jáne joǵary bilim mınıstrliginiń resmı saıtynda jáne telegram-kanalynda jarııalanady.
Al, grant sertıfıkattaryn https://certificate.testcenter.kz/ siltemesi boıynsha Qazaqstan Respýblıkasy Bilim jáne ǵylym mınıstrligi Ulttyq testileý ortalyǵynyń saıtynan júktep alýǵa bolady.