Bos bilim granttaryn berý jónindegi respýblıkalyq konkýrstyq komıssııa otyrysynyń qorytyndylary
ASTANA.15 qyrkúıek. QazAqparat - Qazaqstan Respýblıkasynyń Bilim jáne ǵylym mınıstri Baqytjan Jumaǵulovtyń tóraǵalyǵymen 14 qyrkúıekte joǵary bilim alý úderisinde bosaǵan bilim granttaryn berý jónindegi Respýblıkalyq konkýrstyq komıssııanyń otyrysy boldy.
Bul týraly QR Bilim jáne ǵylym mınıstrliginiń baspasóz qyzmeti habarlady.
Bos bilim granttaryn alý jónindegi konkýrsqa 81 joǵary oqý ornynan: 1 halyqaralyq, 35 memlekettik, 10 aktsıonerlik, 26 jeke oqý oryndarynan 5868 stýdent qatysty.
Joǵary bilim alý úderisinde bosaǵan bilim granttary oqytý mamandyqtary boıynsha osy mamandyqtarda aqyly negizde bilim alyp jatqan stýdentterge konkýrstyq negizde berildi.
Konkýrs stýdentterdiń búkil oqytý kezeńindegi ortasha úlgerim bally eskerile otyryp, aralyq attestatsııalaý nátıjeleri boynsha ótkizildi. Konkýrstyq komıssııa otyrysynyń qorytyndysynda aqyly negizde oqyp jatqan 2-, 3- jáne 4-kýrstardyń stýdentterine 1261 bilim granty berildi.
