«Boryshker» is-sharasynyń 24 kúninde 195 mln. teńge aıyppul óndirildi - Qyzylorda
QYZYLORDA. QazAqparat - Aǵymdaǵy jyldyń 29 naýryz jáne 30 sáýiri aralyǵynda oblys kóleminde «Boryshker» jedel-profılaktıkalyq is-sharasy ótkizilýde,-dep habarlady QazAqparat HAA tilshisi oblystyq ІІD silteme jasap.
Atalǵan is-sharaǵa ákimshilik polıtsııa basqarmasynyń qyzmetkerlerimen birge, jergilikti polıtsııa jáne óńirlik jeke sot oryndaýshylary jumyldyrylýda.
Atalǵan is-sharada qala boıynsha 5 mobıldi tom qurylyp, barlyǵy 10 polıtsııa qyzmetkerleri jáne óńirlik sot oryndaýshylarynan kezekshilik kestesi quryldy. Birlesken is-sharalar aıasynda aıyppul tóleýden jaltaryp júrgen boryshkerlerdiń avtokólikterin avtoturaqqa qamaý jáne memlekettik belgilerin alý júzege asyrylýda.
Іs-sharanyń 1 kúniniń nátıjesi boıynsha qurylǵan jumys tobymen qyzmet atqarý barysynda barlyǵy 890 myń 240 teńge aıyppul salynǵan 46 avtokólik anyqtalyp, 13-i aıyp alańyna qoıylsa, qalǵan 33 avtokólikterdiń memlekettik belgileri alynyp, 552 myń 255 teńge aıyppul óndirildi.
Aıta ketý kerek, atalǵan is-shara jyl basynan ekinshe ret ótkizilýde.
Zańda belgilengen merzimde aıyppulyn tólemegen jyl basynan 548 júrgizýshige salynǵan 7 mln 202 myń teńge májbúrli túrde óndirtý maqsatynda jeke sot oryndaýshylaryna joldansa, 474 azamattyń jumys oryndaryna aıyppul tóleý jóninde qaýlylar joldandy.
Bıylǵy jyldyń 24 kúniniń nátıjesi boıynsha 195 mln 703 myń teńgeniń 78 mln 261 myń teńgesi óndirildi.
