Boryshker elordadaǵy 35 mln teńge turatyn kottedjin alıment qaryzyn óteýge berdi
NUR-SULTAN. QazAqparat – Boryshker alıment boıynsha qaryzdy óteý esebine quny 35 mıllıon teńge turatyn Nur-Sultan qalasyndaǵy elıtalyq kottedjin óz erkimen tapsyrdy, dep habarlaıdy QazAqparat Nur-Sultan qalasynyń JSO óńirlik palatasyna silteme jasap.
Jeke sot oryndaýshysynyń oryndaýynda Qostanaı oblysy Áýlıekól aýdandyq sotynyń 2016 jylǵy qazannan bastap, olar kámeletke tolǵanǵa deıin aı saıyn jalaqynyń jáne ózge de kiristiń barlyq túrlerinen kámeletke tolmaǵan balalardy asyraýǵa ½ bóligi mólsherinde alıment óndirip alý týraly atqarý qujaty boldy.
Jeke sot oryndaýshysynyń 2020 jylǵy 17 tamyzdaǵy qaýlysyna sáıkes qaryz somasy 3 857 390 teńgeni quraǵan. Іs barysynda boryshkerdiń Nur-Sultan qalasynda turǵyn úı túrinde múlki bar ekeni anyqtaldy.
Boryshkerge sot oryndaýshysyna (atqarýshylyq áreketter jasalǵan jerge) shaqyrý týraly habarlama jiberildi jáne oǵan JSO-nyń múlikti ótkizý arqyly óndirip alýǵa jáne bereshek somasyn óndirip alýǵa quqyǵy bar ekendigi túsindirildi. Kelissózderden keıin boryshker alıment boıynsha qaryzdy óteý úshin múlikti erikti túrde óndirip alýshy men balalarǵa berýge kelisti.
2 qabatty turǵyn úı túrindegi múliktiń quny shamamen 35 000 000 teńgeni qurady. Bul jaǵdaıda boryshker alıment boıynsha bereshekti óteý, sondaı-aq balalar aldyndaǵy sot sheshiminiń ýaqtyly oryndalýy qajettiligi týraly óziniń mindettemesin túsindi. Óndirip alýshy múlikti boryshty óteý esebine qýana-qýana qabyldady jáne alımentterdi odan ári óndirip alýdan bas tartty, sonymen qatar Nur-Sultan qalasynyń JSO óńirlik palatasyna alǵys hat joldady.
