«Borýssııa Dortmýnd» fýtboldan klýbtar arasyndaǵy álem chempıonatyn teń nátıjemen bastady

ASTANA. KAZINFORM - Búgin fýtboldan klýbtar arasyndaǵy álem chempıonatyn Germanııanyń «Borýssııa Dortmýnd» komandasy teń oıynmen bastady.

F tobynda synǵa túsip jatqan germanııalyq klýb alǵashqy kezdesýinde Brazılııanyń «Flýmınense» klýbymen sheberlik baıqasty.

Qos komanda oıyn basynan gol soǵatyn múmkindik izdedi. Soǵan qaramastan olar kóptegen múmkindikti múlt jiberip aldy. Nátıjesinde komandalar 0:0 esebine qanaǵat bildirip tarasty.

Bul toptaǵy «Ýlsan» (Ońtústik Koreıa) - «Mamelodı Sandaýnz» (Ońtústik Koreıa) kezdesýi 18 maýsymda qazaqstandyq ýaqytpen 03:00-ge belgilengen.

Sondaı-aq búgin E tobynda «Rıver Pleıt» (Argentına) - «Ýrava Red Daımonds» (Japonııa), «Monterreı» (Meksıka) - «Inter» (Italııa) oıyndary ótedi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.

Álem chempıonatynyń júlde qory - 1 mıllıard AQSh dollary. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.