Bortynda 38 adam bar Chılı áskerı ushaǵy joǵalyp ketti
SANTЬıAGO. QazAqparat – Bortynda 38 adam bolǵan Chılı áskerı áýe kúshteriniń ushaǵy Antarktıdaǵa bara jatqan jolda joǵalyp ketti, dep habarlaıdy QazAqparat BBC News-ke silteme jasap.
C-130 Hercules ushaǵy Pýnta-Arenasadan jergilikti ýaqytpen 16:55-de ushyp ketken. Chılı áskerı áýe kúshteriniń málimetinshe, bort dúısenbi kúni jergilikti ýaqytpen 18:00-den keıin baılanysqa shyqpaı qalǵan.
Іz-túzsiz joǵalǵandar arasynda ekıpajdyń 17 múshesi men 21 jolaýshy bar. Chılı áskerı áýe kúshteri izdeý-qutqarý operatsııasy júrgizilip jatqanyn málim etti. F-16 eki joıǵyshy men tórt keme ushaqty izdeýge jiberildi.
Chılı ÁÁK generaly Edýardo Moskeıra jergilikti BAQ-qa ushaqtyń apat sıgnalyn qospaǵanyn habarlady. Onyń aıtýynsha, áskerı ushaq ushqyshynyń tájirıbesi mol, ol otyn qory taýsylǵannan keıin jerge qonýǵa májbúr bolýy múmkin.
Chılı prezıdenti Sebastıan Pınera Twitter-degi resmı akkaýntynda ushaqtyń joǵalyp ketkenine «alańdap», el astanasy Santıagodaǵy jaǵdaıdy baqylap otyrǵanyn jazdy.
