Bortynda 2300-ge jýyq adam bar Westerdam krýız laınerine Kambodja portyna kirýge ruqsat berildi
NUR-SULTAN. QazAqparat - Kambodja bıligi 1 455 jolaýshysy men 802 ekıpaj múshesi bar krýız laınerine Kambodja portyna kirýge ruqsat berdi, dep habarlaıdy QazAqparat.
Keme operatory Holland America Line kompanııasynyń aqparatyna qaraǵanda, jolaýshylar kemeden jaǵalaýǵa shyǵa alady.
«Qazirgi ýaqytta Westerdam Kambodjanyń Sıanýkvıl qalashyǵyna bet aldy. Sol jerde saıahat aıaqtalady. Biz jergilikti ýaqyt boıynsha beısenbi, 13 aqpan saǵat 07-00-de jetemiz jáne jolaýshylardy túsirý úshin birneshe kún portta bolamyz. Qonaqtarǵa jaǵalaýǵa shyǵýǵa ruqsat beriledi. Barlyq ruqsat alyndy jáne Kambodja bıligine qoldaý bildirgeni úshin alǵysymyz sheksiz», - delingen kompanııanyń Facebook paraqshasynda búgin jarııalaǵan habarlamasynda.
Taratylǵan aqparatqa qaraǵanda, aldaǵy birneshe kúnniń ishinde jolaýshylar charterlik reıstermen el astanasy Pnompen qalasyna, odan ary úılerine jetetin bolady. Holland America Line kompanııasy ushýlardy uıymdastyrýǵa ketken barlyq shyǵyndardy óz moınyna alyp, saıahattaýǵa jumsalǵan shyǵystardy da tolyqtaı óteıtin bolady.
«Borttaǵy qonaqtardyń barlyǵynyń deni saý. Aqparat qate ketken, bortta koronavırýspen aýrý deregi tirkelgen joq jáne esh ýaqytta bolǵan da emes», - dedi kompanııadan.
