Bortynda 200-den astam adam bolǵan reseılik ushaq Mysyrda apatqa ushyrady
ASTANA. QazAqparat - Mysyrdyń Sınaı túbeginiń ortalyq bóliginde azamattyq ushaq apatqa ushyrady. Sky News Arabia telearnasynyń habarlaýynsha, Reseıdiń áýe kemesiniń ishinde 212 adam bolǵan, dep jazady TASS.
Ushaq tańerteń Sharm-esh-Sheıh áýejaıynan ushyp shyqqan. Qazirgi kezde onyń qulaǵan jerin izdeý jumystary júrgizilip jatyr. Oqıǵaǵa baılanysty Mysyr premer-mınıstri Sherıf Ysmaıyl Ismalııaǵa jumys saparyn toqtatty.
Reuters agenttiginiń habarlaýynsha, Mysyrda Sharm-esh-Sheıhten Sankt-Peterborǵa baǵyt alyp, ushyp shyqqannan keıin 23 mınýttan soń radarlardan joǵalǵan ushaqtyń bortynda 212 adam bolǵan.
Al RIA Novostı ushaq ishinde barlyǵy 224 adamnyń bolǵany týraly habarlaýda.
