Bortynda 18 adam bolǵan tikushaq teńizge qulady
ASTANA. 24 tamyz. QazAqparat - Bortynda 18 adamy bar tikushaq apat saldarynan Shotlandııanyń teńiz jaǵalaýynda sýǵa qonýǵa májbúr boldy, dep habarlaıdy RBK.
Oqıǵa Shotlandııa araldaryndaǵy Samboro qalasynyń áýejaıynan tikushaq ushyp shyqqannan keıin kóp keshikpeı oryn aldy. Ol CHC munaı kompanııasyna tıesili tikushaq bolatyn, ol munaı platformasynyń jumysshylaryn tasymaldaǵan.
TJ ornyna qutqarý qyzmetiniń eki tikushaǵy jáne Aberdın men araldar arasynda qatynaıtyn parom jiberildi. Qutqarýshylar 15 adamdy qutqardy. Taǵy úsheýiniń taǵdyry belgisiz bolyp otyr.
Qazirgi ýaqytta barlyq zardap shekkender aýrýhanaǵa jetkizildi. TJ aýdanynda jaǵalaý kúzetiniń eki kemesi jáne úsh tikushaqtyń qatysýymen izdeý operatsııalary jalǵasýda.
Tikushaqtyń apatqa ushyraýynyń sebepteri ázirge belgisiz.
