Bortynda 13 adam bolǵan reseılik keme Qara teńizge batyp ketti
BÝHAREST. QazAqparat – Bortynda 13 teńizshi bar Reseıdiń qurǵaq júk tasıtyn kemesi Rýmynııanyń Konstantsa portynan 70 teńiz mıl qashyqtyqta Qara teńizde batyp ketti, dep habarlaıdy QazAqparat Agerpress agenttigine silteme jasap.
Agenttiktiń habarlaýynsha, qurǵaq júk bortyndaǵy teńizshilerdiń biri qaza tapqan.
Qazir birneshe rýmynııalyq qutqarý kemesi ekıpaj múshelerin qutqarý operatsııasyn júrgizip jatyr. Rýmynııanyń teńizdegi adam ómirin qutqarý agenttigi (ARSVOM) apat ornyna ózine tıesili Artemis kemesin jiberdi.
Oqıǵa aımaǵyndaǵy teńiz býyrqanyp jatyr, tolqyndardyń bıiktigi 4 metrge deıin jetedi.
Kemeniń mejeli pýnkti jáne bortta qandaı júk bolǵandyǵy jaıly ázirge habarlanbaı otyr.
