Bortta temeki shekken er adam elorda áýejaıynda ushaqtan túsirildi
NUR-SULTAN. QazAqparat - Ushaq bortynda temeki shekken tártip buzýshy «Almaty-Nur-Sultan» áýe reısinen shyǵarylyp, oǵan aıyppul salyndy, dep habarlaıdy QazAqparat elordalyq Kóliktegi polıtsııa departamentiniń baspasóz qyzmetine silteme jasap.
«14 qańtarda Nur-Sultan qalasynyń áýejaıyndaǵy Jelilik polıtsııa bóliminiń kezekshi bólimine «Air Astana» AQ ókilinen «Almaty-Nur-Sultan» baǵytyndaǵy áýe reısiniń bortynda quqyq buzýshy bar ekeni týraly habarlama kelip tústi», - dep atap ótti kóliktegi polıtsııa departamenti basshysynyń orynbasary Abzal Jumataev.
«Tekserý barysynda kólik polıtseıleri ushaq bortynda elektrondy temeki shekken 23 jastaǵy Almaty qalasynyń turǵynyn anyqtady. Joǵaryda atalǵan áýe kemesi komandıriniń aktisi boıynsha quqyq buzýshy reısten shyǵaryldy. Atalǵan fakti boıynsha polıtsııa qyzmetkerleri QR ÁQBtK-niń 441-babynyń 1-2-tarmaǵy (áýe kemesiniń bortynda temeki buıymdaryn jáne (nemese) elektrondy temekini tutynýǵa tyıym salýdy buzý) boıynsha ákimshilik hattama toltyryp, oǵan 50 AEK mólsherinde aıyppul saldy», - dedi polıtsııa polkovnıgi.
