Bortoǵaıda qar qursaýynda qalǵan barlyq adam evakýatsııalandy
ALMATY OBLYSY. QazAqparat - Bortoǵaı sý qoımasyndaǵy qar qursaýynda qalǵan barlyq adam evakýatsııalandy. Bul týraly QazAqparat TJM silteme jasap habarlaıdy.
«Qar qursaýynda qalǵan adamdar men tehnıkany evakýatsııalaý jumystary búgin saǵat 9.40-ta Batanǵa jetpeı 23-25 km aralyǵynda túsken úsh qar kóshkini qıyndatty. Jalpy avarııalyq-qutqarý jumystaryna TJ departamentinen, Respýblıkalyq jedel-qutqarý jasaǵynan, polıtsııa departamentinen, oblystyq densaýlyq saqtaý basqarmasynan, jergilikti atqarýshy organdardan, erikti-eriktilerden 85 adam men 38 tehnıka jumyldyryldy», - delingen habarlamada.
Týystary evakýatsııalanǵan adamdardy Túrgen ekopostynda uıymdastyrylǵan jedel shtabta qarsy aldy.
Foto: Almaty oblysy TJD baspasóz qyzmeti
