«Borovıchok» balalar demalys aýmaǵynda jazǵy maýsymnyń resmı ashylýy ótti (FOTO)
ASTANA. QazAqparat - Astana qalasy ákimdiginiń «Balalar úıi» KMM «Borovıchok» balalar demalys aýmaǵynda jazǵy saýyqtyrý maýsymy ashyldy, dep habarlady Astana qalasy ákiminiń resmı saıty.
Elordalyq balalar úıiniń 4 jastan 18 jasqa deıingi 134 tárbıelenýshisi jyl saıyn jazda qala syrtyndaǵy demalys aýmaǵyna keledi.
Merekelik shara Qazaqstan Respýblıkasynyń ánuranyn aıtýmen jáee tý kóterýden bastaldy. «Borovıchok» demalys aýmaǵynyń «jasyl» alańyna QR Bilim jáne ǵylym mınıstrliginiń, Astana qalasy Bilim basqarmasynyń ókilderi, Balalar úıiniń tárbıeshileri men tárbıelenýshileri jınaldy. Qalalyq Bilim basqarmasynyń basshysy Elmıra Sýhanberdıevanyń aıtýynsha, balalar munda bilimderin jetildirip, jańa nárseler úırenip, aldaǵy oqý jylyna daıyndalady.
- «Borovıchok» jazǵy demalys aýmaǵy jetim balalarǵa arnalǵan. Udaıy jazda olardy osynda ákelemiz. Bári de úsh aı boıy demalyp, kúsh jınaıdy. Bıyl 34 oqýshy mektep bitiredi. Jyl ótken saıyn balalar sany azaıyp keledi, biz buǵan qýanyshtymyz. Bıyl patronatty 34 paıyzǵa arttyrdy. Qazirgi tańda balalar úıinde 134 bala tárbıelenip jatyr», - dedi Elmıra Sýhanberdıeva.
Merekelik sharada balalarǵa sporttaǵy jetistikteri úshin júldeler tabystalyp, balalar úıi men metsenattardyń atynan syılyqtar berildi.
