«Borodýlıha-Jezkent» tas jolynda 30 adam boran qursaýynda qaldy
ASTANA. QazAqparat - Shyǵys Qazaqstanda qutqarýshylar qar basqan joldan adamdardy evakýatsııalaýdy jalǵastyrýda. Keshe «Borodýlıha-Jezkent» oblystyq mańyzy bar jolda qutqarý operatsııasy júrgizildi, dep habarlady ShQO TJD saıtynda.
Jol qatty borannyń, joldyń nashar kórinýinen kúndiz 12-de jabylǵan.
Jezkent aýylynan 12 shaqyrymdaı jerde 30-ǵa jýyq adam jolda qalyp qoıǵan. Kómekke jaqyn mańdaǵy Borodýlıha aýdany órt sóndirý bóliminiń qyzmetkerleri jetti. ÓB-52 qutqarýshylary úsh tehnıkamen 18 adamdy evakýatsııalady. 13 adam kólikterin tastaýǵa qorqyp, evakýatsııalaýdan bas tartty. Adamdardyń basym bóligi Jezkenttegi týǵan-týystaryna toqtady. Óskemende turatyn 2 adam órt bólimine aparyldy.
«OblShyǵysJol» aqparatyna sáıkes, tańǵy 8-de «Borodýlıha-Jezkent» oblystyq mańyzy bar jol, al saǵat 6-da «Semeı-Qaraýyl» joly ashyldy.
