Bórli aýdanynda bıýdjettik sala qyzmetkerleri úshin jataqhanalar salynady
ORAL. QazAqparat - Bórli aýdanynda 2016 jyly qosalqy úı sharýashylyǵyn qosqanda, 1,2 trln. teńgeniń ónerkásip ónimderi óndirildi, bul aldyńǵy jylǵymen salystyrǵanda, 98,7 paıyz, dep habarlaıdy «QazAqparat» HAA tilshisi.
Aýdan ákimdiginen túsken málimetke qaraǵanda, ınvestıtsııa kólemi 185,3 mlrd. teńgege jetip, 2015 jylǵydan 33,4 paıyzǵa asyp tústi. Memlekettik bıýdjetke 154,1 mlrd. teńge salyq jınalsa, sonyń 9,0 mlrd. teńgesi (boljamǵa - 115,3 paıyz, 2015 jylǵymen salystyrǵanda, 129 paıyz) jergilikti qazynaǵa tústi.
Aýyl sharýashylyǵy salasynda 6,4 mlrd. teńgeniń ónimi óndirildi (2015 jylǵydan 1,3 mlrd. teńgege artyq, ósim - 12,5 paıyz). Astyq túsimi gektaryna 13,7 tsentnerden aınaldy. 66402 tonna mal azyǵy daıyndalyp, 5010 gektarǵa kúzdik bıdaı sebildi, 1944 tonna tuqym alyndy. «Agrobıznes - 2020» memlekettik baǵdarlamasy aıasynda mal sharýashylyǵyn damytý, fıtosanıtarlyq qaýipsizdikti qamtamasyz etý, mal tuqymyn asyldandyrý baǵytynda 9 joba júzege asyryldy.
«Bıyl ótken jyly bastalǵan jumystardy aıaqtaý kózdelýde. Sonyń ishinde áleýmettik sala nysandary men turǵyn úıler salý, Aqsaı qalasy men eldi mekenderdi sýmen qamtý, jylý jelileri men joldardy jóndeý, ınfraqurylymdy tartýǵa basa nazar aýdarylmaq. Mysaly, Keńtúbekte 50 oryndyq, Aqsaı qalasynda 240 oryndyq balabaqsha, tórt aýyl men aýdan ortalyǵynda bıýdjettik sala qyzmetkerleri úshin jataqhanalar qurylysy jáne basqa jumystar josparlanýda», - dedi «QazAqparat» tilshisine aýdan ákimi Aldııar Halelov.
