Borıs Spasskıı FIDE saılaýynda Ilıýmjınovtyń kandıdatýrasyn qoldaıdy
ASTANA. QazAqparat - Shahmattan álemniń onynshy chempıony Borıs Spasskıı Halyqaralyq shahmat federatsııasynyń (FIDE) prezıdentin saılaýda uıymnyń qazirgi basshysy Kırsan Ilıýmjınovtyń kandıdatýrasyn qoldaıtynyn málim etti.
Bul týraly Spasskıı ITAR-TASS tilshisine bergen suhbatynda aıtty.
FIDE basshylyǵynyń saılaýy 2014 jyldyń tamyzynda Norvegııanyń Tromse qalasynda búkilálemdik shahmat olımpıadasy kezinde ótkiziledi. Qazir uıymnyń prezıdenttigi ornynan osy qyzmetti 1995 jyldyń qarashasynan beri atqaryp kele jatqan Ilıýmjınov úmitker jáne shahmattan 13-shi álem chempıony Garrı Kasparov ta dámeli. Daýys berýge FIDE bas assambleıasynyń 181 delegaty qatysady. «Men Halyqaralyq shahmat federatsııasy uıymynyń qazirgi basshysy jaǵyndamyn. Sebebi Ilıýmjınov Reseıdegi qıyndyqqa toly jyldary erler men áıelder arasynda osy eldiń chempıonattaryn uıymdastyra bildi», - dedi Spasskıı.
