Borıs Nemtsovtyń ólimine qatysy bar degen kúdikpen taǵy eki adam ustaldy
ASTANA. QazAqparat - Ingýshetııa Qaýipsizdik keńesiniń hatshysy Albert Barahaev Borıs Nemtsovtyń ólimine qatysy bar degen kúdikpen taǵy eki adam ustalǵany týraly málimdedi.
Buryn bul kúdikpen Anzor Gýbashev pen Zaýr Dadaev qolǵa túskeni týraly habarlanǵan.
"Sheshenstan ІІM "Sever" batalony polky komandıriniń orynbasary Zaýr Dadaev jáne onymen birge bir kólikte bolǵan taǵy bir er adam ustaldy. Sonymen qatar, Máskeýdegi jeke kúzet kásiporyndardyń birinde jumys istegen Anzor Gýbashev pen onyń inisi qamaýǵa alyndy", - dedi Albert Barahaev.
Ustalǵandardyń barlyǵy sheshen ultynyń ókilderi. Olardyń januıalary 60-shy jyldary Malgobek aýdanyna (ol kezde Sheshen-Ingýsh AKSR) kóshken. Sońǵy 10 jylda olar tirkelgen jerde turmaǵan, dep habarlady RIA Novostı.
