Borıs Djonsondy jansaqtaý bóliminen jaı palataǵa aýystyrdy
NUR-SULTAN. QazAqparat – COVID-19 jańa tıptegi koronavırýsqa shaldyqqan Ulybrıtanııanyń premer-mınıstri Borıs Djonsonnyń búginde kóńil kúıi jaqsy, dep habarlaıdy QazAqparat dw.com silteme jasap.
Premer keńsesiniń málimdeýinshe, Borıs Djonson jansaqtaý bóliminen jaı palataǵa aýystyryldy. Ol dárigerlerdiń muqııat qaraýynda qala beredi.
5 sáýirde keshke 55 jastaǵy Borıs Djonson aýrýhanaǵa jetkizilgen. Odan anyqtalǵan aýrý belgisi bir jarym apta boıy ketpegen. Keıin onyń jaǵdaıy nasharlap ketkendikten, qarqyndy terapııa bólimine aýystyrylǵan.
Resmı málimetterge sáıkes, jansaqtaý bóliminde Djonson ottegimen tynystaǵan.
Djonsonnyń Ulybrıtanııa premer-mınıstri mindetin atqarýǵa qashan oralatyny ázirge belgisiz. Brıtandyq BAQ birneshe aptadan keıin dep shamalap otyr. Buǵan deıin brıtandyq premer mindetterin eldiń Syrtqy ister mınıstri Domınık Raab atqardy.
