Borıs Berezovskıı óliminiń sebebin anyqtaý 8 aptaǵa sozylady
ASTANA. 8 sáýir. QazAqparat - Brıtandyq polıtsııa Borıs Berezovskıdiń denesine jasalatyn medıtsınalyq saraptamanyń nátıjesi test bastalǵannan keıingi 8 aptada daıyn bolatynyn aıtty. Bul týraly VVS-diń orys qyzmeti habarlady.
«Biz áli toksıkologııalyq jáne gıstologııalyq testilerdiń qorytyndysyn kútip otyrmyz. Bizdiń esepteýler boıynsha oǵan jalpy alǵanda segiz apta ýaqyt jumsalady»,-deıdi polıtsııa qyzmetkeri Kreıg Evrı. Osy oraıda bıznesmen óliminiń sebebi týraly aqparat 20 mamyr kezderinde belgili bolmaq.
Budan buryn habarlanǵandaı, 23 naýryzda 68-ge qaraǵan shaǵynda reseılik kásipker, olıgarh Borıs Berezovskıı dúnıeden ótti. Onyń denesi anglııalyq Berkshır graftyǵyndaǵy úıinen tabyldy.
Borıs Berezovskıı 90-ynshy jyldardaǵy alasapyran kezinde Reseıde dáýlet jınaǵan atyshýly olıgarh boldy. Reseıde sottalýǵa úkim shyǵarylǵan ol sońǵy jyldarda Londonda turyp, saıası baspana aldy jáne óz qujattaryndaǵy esimin Platon Elenın dep ózgertti.
