Bordo ortalyǵyndaǵy turǵyn úıde jarylys boldy
BORDO. QazAqparat – Frantsııanyń ońtústik-batysyndaǵy Borda qalasynyń ortalyq bóligindegi turǵyn úılerdiń birinde jarylys boldy, dep habarlaıdy QazAqparat BFM telearnasyna silteme jasap.
Oqıǵa Pıkar alańyna jaqyn jerdegi Sharton kvartalynda ornalasqan ǵımarattyń joǵary qabattarynyń birinde bolǵan.
Oqıǵa ornyna órt sóndirýshiler men qalalyq polıtsııa qyzmetkerleri keldi. Kvartal qorshaýǵa alyndy.
Jarylys bolǵan jerde júrgen Sud Ouest jýrnalısiniń sózinshe, birneshe ǵımarattyń terezesi synǵan. Jarylys bolǵan nysannyń qulaý qaýpi bar.
AFP málimetinshe, úsh adam jaraqat aldy, eki adam iz-túzsiz joǵalyp ketken.
