Borannan Qazaqstannyń úsh oblysyndaǵy joldar jabyldy
ASTANA. QazAqparat - Boranǵa baılanysty Almaty, Jambyl jáne Ońtústik Qazaqstan oblystarynda joldar jabyldy, dep habarlaıdy QazAqparat.
«Qazaqavtojol» RMK-nyń málimetinshe, búgin tańerteń Almaty oblysy aýmaǵyndaǵy «Úsharal-Dostyq» jolynyń 83-184 shaqyrymyndaǵy Kóktýma men Dostyq aralyǵynda kólik qozǵalysy shekteldi.
Túngi 01:30-dan bastap Jambyl oblysynda «Almaty-Tashkent-Termez» avtojolynyń 534-593 shaqyrymyndaǵy Aısha Bıbi-OQO shekarasyna deıingi ýchaske jabyq tur.
Al Ońtústik Qazaqstan oblysy aýmaǵyndaǵy «Almaty-Tashkent-Termez» jolynyń 593-611 shaqyrymyndaǵy Jambyl oblysy shekarasynan Aqbıik aýyly aralyǵynda kóliktiń barlyq túrleri úshin jolǵa shyǵýǵa tyıym salyndy.
