Borannan elordaǵa qandaı shyǵyn keldi
ASTANA. QazAqparat - 11 qańtar kúngi boran saldarynan elordada 26 turǵyn úıge zaqym keldi. Bul týraly Astana qalasy ákiminiń baspasóz hatshysy Elvıra Júrgenbaeva aıtty, dep habarlaıdy QazAqparat.
«Keshe aýa raıynyń qolaısyzdyǵyna baılanysty Astana qalasynyń ákimi Áset Isekeshev tótenshe jaǵdaı jarııalaǵan bolatyn. Jarııalanǵan tótenshe jaǵdaı búgin toqtatyldy. Astana qalasy boıynsha 26 turǵyn úı kesheni zaqymdandy. Atap aıtqanda, Almaty aýdanynda 4, Saryarqa aýdanynda 8 jáne Esil aýdanynda 14 turǵyn úıge zaqym keldi. ıAǵnı qasbetteri ushyp, terezeleri synǵan», - dedi ol.
E.Júrgenbaevanyń sózine qaraǵanda, boran saldarynan 4 mektep, 3 balabaqsha aıtarlyqtaı búlingen. Sonymen qatar S.Seıfýlın atyndaǵy Qazaq agrottehnıkalyq ýnıversıtetiniń shatyry jartylaı ushyp ketip, biraz shyǵyn keltirgen.
«Qazirgi ýaqytta shyǵyndardy ornyna keltirý jumystary júrgizilýde. Munan bólek 16 aıaldama búlinip, 131 baǵdarsham ornynan qozǵalyp ketti.
Páter ıeleri kooperatıvterimen jáne turǵyndarmen aýdan ákimderi tyǵyz jumys jasaýda. Keltirilgen shyǵyndar eseptelýde», - dedi elorda ákiminiń baspasóz hatshysy.
Onyń dereginshe, 2 kúnniń ishinde 82 myń tekshe metr qar qala syrtyna shyǵaryldy. Qar tazalaý jumystaryna 4 myńǵa jýyq jumysshy, 2600 arnaıy tehnıka jumyldyryldy.
