Boranǵa baılanysty jabylǵan eń uzyn jol 800 shaqyrymnan asady
NUR-SULTAN. QazAqparat – Boranǵa baılanysty elimizdiń birqatar óńirinde jol jabyq. «QazAvtoJol» AQ kólik qozǵalysyna shekteý qoıylǵan eń uzyn joldy atady, dep habarlaıdy QazAqparat.
Sońǵy aqparat boıynsha, aýa raıynyń qolaısyzdyǵyna baılanysty elimizdegi avtojoldardyń 10 ýchaskesinde kólik qozǵalysyna shekteý qoıylǵan.
«Keshe jalpy uzyndyǵy 4714 shaqyrym bolatyn 37 ýchaskede jáne Pavlodar oblysy boıynsha barlyq baǵyttarda avtojoldar jabyq bolǵan. 17 qańtar kúni jabylǵan eń uzyn tasjol - «Almaty-Ekaterınbýrg» (830 shaqyrym) bolsa, búginde - «Qaraǵandy-Aıagóz-Buǵaz» joly (494 shaqyrym). Barlyq júrgizýshilerdi jol erejelerin saqtap, arnaıy kolonna qatarynan shyqpaýyn suraımyz» delingen habarlamada.
Qazirgi sátte respýblıka joldarynda 818 tehnıka qarqyndy jumys istep jatyr.
