Boranǵa baılanysty úsh oblystyń aýmaǵyndaǵy joldar jabyq
ASTANA. QazAqparat - Boranǵa baılanysty elimizdiń úsh oblysy aýmaǵyndaǵy respýblıkalyq joldardyń ýchaskelerinde kólik qozǵalysy shekteldi. Bul týraly «Qazaqavtojol» RMK-den habarlandy.
Aqtóbe oblysynda qazirgi kezde myna joldar jabyq tur:
- «Aqtóbe-RF shekarasy (Orsk)» jolynyń 75-135 shaqyrymy aralyǵy;
- «Aqtóbe-Atyraý-Astrahan» jolynyń 45-176 shaqyrymyndaǵy Alǵa men Shubarqudyq aralyǵy;
- «Qandyaǵash-Embi-Shalqar-Yrǵyz» jolynyń 0-257 shaqyrymyndaǵy Qandyaǵash pen Shalqar aralyǵy;
- «Samara-Shymkent» jolynyń 753-836 shaqyrymyndaǵy Aqtóbe men Hromtaý ýchaskesi.
Almaty oblysynda boranǵa baılanysty «Úsharal-Dostyq» jolynyń 83-113 shaqyrymy aralyǵynda kólik qozǵalysy shekteldi.
Al Qaraǵandy oblysynda qazirgi sátte barlyq kólik túrleri úshin myna joldar jabyq:
- «Jezqazǵan-Petropavl» jolynyń 24-252 shaqyrymyndaǵy Sátbaev pen Qostanaı oblysy aralyǵy;
- «Ekaterınbor-Almaty» jolynyń 1364-1425 shaqyrymyndaǵy Temirtaý-Osakarov ýchaskesi;
- «Qyzylorda-Pavlodar» jolynyń 753-905 shaqyrymyndaǵy Topar men Atasý aralyǵy;
- «Ekaterınbor-Almaty» jolynyń 1492-1854 shaqyrymyndaǵy Qaraǵandy men Balqash ýchaskesinde.
