Boranǵa baılanysty Rıdder irgesinde kólik keptelisi týyndady

ÓSKEMEN. QazAqparat – Shyǵys Qazaqstan oblysy Rıdder qalasynan shyǵa beriste qatty boranǵa baılanysty kólik keptelisi týyndady, dep habarlaıdy QazAqparat tilshisi.

Kesheli beri Rıdder irgesinde kólikter uzyn-sonar kepteliste qalǵan. Buǵan qatty boranǵa baılanysty tasjoldyń jabylýy sebep bolǵan. Alaıda, soǵan qaramastan jolǵa shyqqandar sany azaıýdyń ornyna kóbeıip barady.

«Dál qazir Rıdder men Óskemen arasyndaǵy respýblıkalyq mańyzy bar jol jabyq. Rıdderden shyǵa beriste jolshylar men polıtseıler kezekshilik atqaryp tur», - dep habarlady ShQO Tótenshe jaǵdaılar departamenti baspasóz qyzmetiniń ókilderi.

Aıta keteıik, osy sátte óńirde respýblıkalyq mańyzy bar 2, oblystyq mańyzdaǵy 4 jolda kólik qozǵalysyna tyıym salynǵan.

Vıdeodan alynǵan kadr