Boranǵa baılanysty Nur-Sultan men Temirtaý arasynda jol jabyldy
NUR-SULTAN. QazAqparat - Aýa raıynyń buzylýyna baılanysty «Nur-Sultan - Temirtaý» tasjoly jabyldy, dep habarlaıdy QazAqparat.
Nur-Sultan qalalyq tótenshe jaǵdaılar departamenti baspasóz qyzmetiniń aqparatyna sensek, búgin 12 aqpan keshkisin Nur-Sultan men Temirtaý arasyn jalǵaıtyn avtojol jabylǵan.
Sebep - Nur-Sultan qalasynda jáne Qaraǵandy oblysynda qatty boran soǵyp tur, jel jyldamdyǵy sekýndyna 20 metrge jetken.
Munyń aldynda Almaty oblysynda aýa raıynyń nasharlaýyna baılanysty respýblıkalyq mańyzy bar «Úsharal-Dostyq» (84-184 km) jáne oblystyq mańyzy bar «Almaty-Óskemen» avtojolynyń «Qapal-Arasan» (0 men 45 shaqyrymy) jáne Qapal aýylyna kireberistegi 16 shaqyrym jol jabylǵan edi.
Eske sala keteıik, Qazaqstanda aýa raıy buzylyp, 11 óńirde eskertý jarııalandy.
