Boranǵa baılanysty Qazaqstannyń 4 oblysynyń aýmaǵynda joldar jabyldy
ASTANA. 16 qańtar. QazAqparat - Qazaqstannyń tórt oblysynyń aýmaǵynda joldar jabyldy. Bul týraly «Qazaqavtojol» RMK baspasóz qyzmetinen habarlandy.
Atap aıtqanda boranǵa baılanysty Aqmola oblysy boıynsha «Ekaterınbýrg-Almaty» jolynyń 1014 -1247 shaqyrymy aralyǵyndaǵy Jaltyr men Astana aralyǵynda, sondaı-aq 1278- 1353 shaqyrymy aralyǵyndaǵy Astana men Arshaly ýchaskesinde qozǵalys shekteldi. Budan bólek «Astana-Petropavl» jolynyń 18 -231 shaqyrymyndaǵy Astana men Býrabaı aralyǵy jabyldy. Qaraǵandy oblysy aýmaǵynda «Ekaterınbýrg-Almaty» jolynyń 1425- 1353 shaqyrymyndaǵy Temirtaý men Aqmola oblysy shekarasy aralyǵynda qozǵalys shekteldi. Aqtóbe oblysy aýmaǵynda «Samara -Shymkent» jolynyń 753- 1240 shaqyrymyndaǵy Aqtóbe men Qyzylorda oblysy jáne Aqtóbe men Atyraý shekarasy aralyǵyndaǵy joldar jabyldy. Qostanaı oblysyndaǵy «Jezqazǵan-Petropavl» jolynyń 255 -377 shaqyrymyndaǵy Qaraǵandy oblysy men Aqmola oblysy shekarasy aralyǵynda qozǵalys shekteýli. «Qazaqavtojol» RMK málimetine qaraǵanda, qazirgi kezde respýblıka boıynsha bes júzden astam arnaıy tehnıka joldarǵa kezekshilikke shyqty.
