Boranǵa baılanysty Qapshaǵaıdan ShQO shekarasyna deıingi jol jabyldy
TALDYQORǴAN. QazAqparat - Aýa raıynyń qolaısyzdyǵyna baılanysty Qapshaǵaıdan Shyǵys Qazaqstan oblysynyń shekarasyna deıin jol jabyldy, dep habarlaıdy QazAqparat tilshisi.
«QazAvtoJol» UK» AQ Almaty oblystyq fılıaly men «Kazavtodor» JShS Almaty oblystyq fılıalynyń habarlaýynsha, 2021 jyldyń 22 qańtarynda saǵat 16.00-den bastap aýa raıynyń nasharlaýyna baılanysty (kóriný shekteýli, kúshti jeli, boran) «Almaty - Óskemen» respýblıkalyq mańyzy bar avtojolynda (70 - 615 shaqyrymy, Qapshaǵaı qalasy men ShQO shekarasy aralyǵy) avtokóliktiń barlyq túrleri úshin qozǵalys jabyldy.
«Almaty oblysynyń TJD azamattardan osy baǵyttaǵy saparlardan bas tartýdy jáne 112 qyzmeti joldaǵan SMS habarlamany nazardan tys qaldyrmaýdy suraıdy» delingen Almaty oblystyq tótenshe jaǵdaılar departamenti baspasóz qyzmetiniń jarııalaǵan habarlamasynda.
Vedomstvonyń ókilderi alys jolǵa shyqqan kezde aýa raıy boljamymen tanysyp, tótenshe jaǵdaılarda qajet bolatyn barlyq zatty ózińizben birge alyp júrý kerektigin eskertedi.
