Boranǵa baılanysty elordadan shyǵatyn joldar jabyldy
NUR-SULTAN. QazAqparat – Aýa raıynyń kúrt nasharlaýyna baılanysty, atap aıtqanda boran, kórinýdiń shektelýi saldarynan elordadan shyǵatyn (Nur-Sultan-Pavlodar baǵyttarynan basqa) barlyq jol jabyldy, dep habarlaıdy QazAqparat qalalyq TJD baspasóz qyzmetine silteme jasap.
Jol avtokóliktiń barlyq túrleri úshin jabyq.
Qazgıdromettiń málimetinshe, 12 qańtarda Nur-Sultan qalasynda ońtústik-batystan 15-20 m/s jyldamdyqpen jel turyp, burqasyn soǵady.
Nur-Sultan qalasynyń Tótenshe jaǵdaılar departamenti elorda turǵyndary men qonaqtaryna qala syrtyna shyqpaýǵa jáne qyraǵy bolýǵa, aýa raıynyń ózgerýi men engizilgen shekteýler týraly aqparatty qadaǵalaýǵa keńes beredi. Trassalardy jabý týraly aqparatty «112» qyzmeti SMS habarlamalar arqyly SmartAstana qosymshasynda, sondaı-aq «12-Nur-
Sultan» Telegramm-arnasynda jiberedi.
