Boranǵa baılanysty BQO-dan Atyraý baǵytyndaǵy jol jabyldy

ORAL. QazAqparat – Batys Qazaqstan oblysynda boranǵa baılanysty Atyraý baǵytyndaǵy jol jabyldy, dep habarlaıdy QazAqparat tilshisi.

«QazAvtoJol» JShS BQO fılıalynyń málimeti boıynsha 17 naýryz kúni jergilikti saǵat 22.30-dan bastap aýa raıynyń nasharlaýynan respýblıkalyq mańyzy bar Atyraý-Oral (492-189 km, Oraldan Atyraý oblysyna deıin) atojolynda barlyq kólik túrleri úshin qozǵalysqa shekteý qoıyldy.

Jabylý sebebi – boran, kúshti jel, joldyń nashar kórinýi.

Osyǵan oraı BQO TJ departamenti eskertý jarııalap, asa qajettilik bolmasa jolǵa shyqpaý kerektigin jetkizdi.

Sonymen qatar 18 naýryzda oblystyń soltústigi men Oral qalasynda tuman túsýi yqtımal ekendigi eskertildi.

Eske sala keteıik, budan buryn Batys Qazaqstanda oblystyq joldarda qozǵalys shektelgenin jazǵan bolatynbyz.