Boranǵa baılanysty birqatar joldarda kólik qozǵalysy shekteldi
ASTANA. QazAqparat - Boranǵa baılanysty Astanadan shyǵatyn joldar jabyldy. Bul týraly «Qazaqavtojol» RMK-dan habarlandy.
«Ekaterınbor-Almaty» jolynyń 1275-1353 shaqyrymyndaǵy Astana men Qaraǵandy oblysy shekarasy ýchaskesinde, «Astana-Petropavl» jolynyń 18-341 shaqyrymyndaǵy Astana men Soltústik Qazaqstan oblysy shekarasy aralyǵynda barlyq kólik túrleri úshin jabyldy.
Munymen qosa, «Kókshetaý-Omby» jolynyń Kókshetaý men SQO ýchaskesinde, sondaı-aq Kókshetaý men Atbasar jolynda kólik qozǵalysy shekteldi.
«Ekaterınbor-Almaty» jolynyń 856-917 shaqyrymyndaǵy SQO shekarasy men Jaqsy aýyly ýchaskesinde de jol jabyldy.
