Boranǵa baılanysty Astanadan shyǵatyn trassa jabyldy

ASTANA. QazAqparat – Aýa raıynyń buzylýyna baılanysty Astanadan shyǵatyn trassa jabyldy, dep habarlaıdy QazAqparat QazAvtoJol-ǵa silteme jasap.

Búgin saǵat 18.30-dan bastap qalyń qar, boran jáne joldyń nashar kórinýine baılanysty «Astana-Petropavl» tasjolynyń Astana qalasynan Şýche qalasyna deıingi aralyǵynda (trassanyń 18-231 shaqyrymy) kóliktiń barlyq túri úshin qozǵalysqa tyıym salyndy.

Sondaı-aq «Qazgıdromet» RMK málimetinshe, 21 aqpanda Astanada túnde jáne tańerteń jaıaý burqasyn soǵyp, kóktaıǵaq bolady.