Boranǵa baılanysty Astanadan shyǵatyn barlyq joldar jabyldy
Astana. 5 jeltoqsan. QazAqparat - Búgin Astanada boranǵa baılanysty qaladan shyǵatyn barlyq joldar jabyldy.
Bul týraly astana.kz saıtyna elordalyq Іshki ister departamentiniń baspasóz qyzmetinen habarlady.
«Astanada kún raıynyń kúrt buzylýyna baılanysty «Rýbej» júıesiniń bógeýshi statsıonarlyq beketteri arqyly 6 baǵytta barlyq kólik quraldarynyń qozǵalysy shekteldi. Atap aıtqanda, Astrahan, Qorǵaljyn, Kókshetaý, Qaraǵandy, Rojdestvenka jáne Alash tas joldary jabyldy»,- delingen habarlamada.
Vedomstvonyń habarlaýynsha, qala kóshelerinde kólik qozǵalysyn baqylaý kúsheıtildi.
