Borandy kúni balyq aýlamaq bolǵan eki qostanaılyq adasyp ketti
QOSTANAI. QazAqparat - Qostanaı oblysynda eki balyqshy adasyp ketti, dep habarlaıdy QazAqparat.
Aqparatty oblystyq TJD baspasóz qyzmeti rastady. Oqıǵa 5 aqpan kúni Sarykól aýdanynda bolǵan.
«30 jáne 28 jastaǵy eki er adam Sarykól ózenine balyq aýlaýǵa shyqqan. Boran soǵyp, aýa raıynyń kúrt ózgerýine baılanysty olar úılerine jete almaı, adasyp ketken. Balyqshylar qutqarýshylardan kómek suraǵan», - deıdi vedomstvonyń baspasóz qyzmetindegiler.
TJD mamandary men polıtseıler balyqshylardy úılerine deıin jetkizdi. Qazir olardyń jaǵdaılary jaqsy.
Eske salsaq, Qostanaı oblysynda eki adamdy úsik shalyp, kóz jumdy.
Aıazdyń kúsheıip ketýine baılanysty Qostanaı oblysynyń TJD úsik shalǵan ýaqytta alǵashqy kómek kórsetý joldaryn túsindirip, aıaz kezinde adam ózin qalaı saqtandyrý kerektigin eske salady.
