Borandy kúni jolǵa shyǵyp ketken júrgizýshilerge qandaı shara qoldanylady

ASTANA. KAZINFORM – Aýa raıy qolaısyzdyǵy týraly eskertýge qaramastan jolǵa shyǵyp, boranda qalyp qoıǵandarǵa qandaı shara qoldanylady? Bul týraly QR Іshki ister mınıstrligi Ákimshilik polıtsııa komıtetiniń resmı ókili Aqtoty Boranova aıtyp berdi.

Mamannyń aıtýynsha, aýa raıy qolaısyzdyǵyna baılanysty sheshimdi jol ıesi Tótenshe jaǵdaı jáne Іshki ister mınıstrlikterimen birlese qabylaıdy.

– ıAǵnı respýblıkalyq jáne halyqaralyq mańyzy bar joldardyń ıesi – «Qazavtojol» kompanııasy. Onyń qaramaǵynda 107 respýblıkalyq mańyzy bar jol bar, 17 aqyly ýchaske bar. Eskertý habarlamasy keldi me, kelmedi me, adam estidi me mańyzdy emes, memlekettik organnyń basty maqsaty – qaýipsizdikti qamtamasyz etý, keleńsiz jaǵdaıda qalyp qoıǵan azamattarǵa kómektesý, - dep túsindirdi A.Boranova.

Sonymen birge, QR Ákimshilik quqyquzýshylyqtar kodeksiniń 667-baby (Quqyq qorǵaý nemese arnaýly memlekettik organ qyzmetkeriniń zańdy ókimine nemese talabyna baǵynbaý, zańdy qyzmetine kedergi jasaý) boıynsha jaýapqa tartý shekten shyqqan jaǵdaıda ǵana, mysaly joldy japqanda quzyrly organdarmen tóbeselip, jolǵa shyǵyp ketkenderge qoldanylady.

– Negizi joldy jabý týraly sheshim Kólik mınıstrliginiń 492-buıryǵymen qabyldanady. Sodan keıin osy talaptardy buzǵany úshin dep 667-bappen is qozǵalady. Bul bapty qaraý sottyń quyzretinde bolady, ıaǵnı aıypty 15 táýlikke qamaýǵa alynady, nemese 30 AEK aıyppul tóleıdi. Degenmen bul jerde basty maqsat – profılaktıkalyq jumystar. Bıyl ázirge eshkim jaýapqa tartylǵan joq, - dedi spıker.

Jol dál boran soǵyp turǵan jerde emes, shamaly 10-20 shaqyrym qashyqtyqtan, aınalma joly bar jerden jabylady.

– Keı júrgizýshiler «aldymyz ashyq, boran joq, joldy nege japtyńdar?» dep renjıdi. Jıyrma shaqyrymnan keıin jolda ne bop jatqanyn bilmeıdi. Ol jerde aınalma jol bolmaǵandyqtan, olardy qutqarý múmkindigi de shekteýli bolady, - deıdi Aınur Boranova.

Buǵan deıin A. Boranova kólik júrgizýshilerine jaýapkershilik kúsheıgenin jáne osy salada qandaı zańdar ózgergenin aıtyp bergen edi.