Boranda júrgizýshiler qandaı qaýipsizdik sharalaryn ustanýy kerek
NUR-SULTAN. QazAqparat – «QazAvtoJol» basshysy boran kezinde jolda júrip kele jatqan kólikter qandaı qaýipsizdik sharalaryn ustanýy kerektigin aıtty, dep habarlaıdy QazAqparat tilshisi.
«Búginde avtokólik joldarynyń 95 ýchaskesi jabyq boldy, onyń ishinde 61-i respýblıkalyq mańyzda. Olar Nur-Sultan qalasy, Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qyzylorda, Qostanaı, Pavlodar, Soltústik Qazaqstan oblystary aýmaǵyndaǵy joldar. Sonymen qatar oblystyq mańyzdaǵy 34 jol ýchaskesi jabyq boldy. Ótken túnde joldarda asa kúrdeli jaǵdaı oryn aldy. Jeldiń kúsheıýi týraly eskertý jasalǵanyna qaramastan, jeńil jáne júk kólikteriniń joldarǵa shyǵýy jaǵdaılary baıqaldy», - dedi Іshki ister mınıstriniń orynbasary ıÝrıı Ilın Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, Şýchınsk pen Nur-Sultan arasynda avtokolonnalardy arnaıy tehnıkamen súımeldep shyǵaryp salý kezinde qıyn jaǵdaı oryn alǵan.
«Kolonnanyń ortasynda jol-kólik oqıǵasy boldy, bunyń saldarynan 100-ge tarta avtokólik turyp qaldy. Qar qursaýynan soqtyǵysqan kólikti alyp shyǵý problema týdyrdy», - dedi spıker.
Onyń atap ótýinshe, boranǵa baılanysty alty óńirde táýlik boıy qyzmet etetin jedel shtab uıymdastyryldy. Onyń quramyna tıisti organdar endi.
Óz kezeginde «QazAvtoJol» UK» AQ basqarma tóraǵasy Ulan Álipov boran kezinde kolonnamen júrgen kezde kólikter jyldamdyq pen araqashyqtyqty saqtaý kerektigin atap ótti.
«Keshe biz eki jaqtan kolonna jibergen bolatynbyz. Nur-Sultannan shyqqan kolonna Şýchınskke deıin aman-esen jetti. Al keri baǵyttaǵy , ıaǵnı Şýchınskten elordaǵa baǵyt alǵan kolonnada qıyndyqtar boldy. Úsh kólikti tizgindegen sabyrsyz júrgizýshilerdiń basqa kólikterdi basyp ozý áreketi saldarynan jol-kólik oqıǵasy oryn aldy. Osy oraıda 8 kólik soqtyǵysty. Budan keıin kolonna ekige bólinip qaldy. Túni boıy osy kólikterdi qar qursaýynan shyǵaryp, tańǵa qaraı Aqkólge jetkizdik. Sondyqtan arnaıy tehnıkanyń kómegimen júrip kele jatqan kolonnada jyldamdyq rejimin saqtaýǵa keńes beremiz. Sebebi kolonna saǵatyna 20-30 shaqyrym jyldamdyqpen júredi. Boran saldarynan avtobanda nemese basqa da respýblıkalyq mańyzdaǵy joldardaǵy nysandar múldem kórinbeı ketti», - dedi U. Álipov.
