Boranda joǵalyp ketken aýyl muǵaliminiń denesi tabyldy
PETROPAVL. QazAqparat - Soltústik Qazaqstan oblysynyń Ýálıhanov aýdanynda joǵalyp ketken muǵalim óli kúıinde tabyldy, dep habarlaıdy «QazAqparat» HAA tilshisi.
Jasy jıyrmaǵa endi tolǵan jigitti polıtsııa men tótenshe jaǵdaı, ákimdik qyzmetkerleri bir táýlik boıy izdegen. Aýdandyq ІІB bastyǵy Marat Áljanovtyń aıtýyna qaraǵanda, quramyna eriktiler qosylǵan izdeý toby jaqyn mańdaǵy aýyldardyń barlyǵyn teksergen. Aqmola oblysynyń Іshki ister departamentine habar berilgen.
«Joǵalyp ketken Bereke aýylynyń 20 jastaǵy turǵyny óz aýylynan 10 shaqyrym jerden tabyldy. Máıitte dene jaraqaty joq. Múrde sot-medıtsınalyq saraptamaǵa jóneltildi», - dep habarlady SQO ІІD baspasóz qyzmetinen.
Bereke aýylynda turatyn muǵalim kúndiz úıinen mektepke shyǵyp, iz-túzsiz ketkeni týraly buǵan deıin habarlaǵan bolatynbyz. Beısenbi kúni atalǵan aýdanda qatty jel turyp, boran soqqan edi.
