Boranbaev munaı-gaz salasyndaǵy iri úsh kompanııasyn memleketke qaıtardy

Qarjy monıtorıngi agenttigi Qaırat Boranbaevtyń tergeýmen erikti yntymaqtastyǵy aıasynda onyń múlkin memleket kirisine qaıtarý sharalaryn qabyldaýda, dep habarlaıdy Kazinform. 

«Qarajanbas Severnyı» ken orny memleket menshigine ótti, onyń óndiristik parametrleri - quny 35,4 mlrd teńge bolatyn 2,6 mln tonna munaı jáne 13,2 mln tekshe metr gaz bar 143 uńǵyma.
Boranbaev, sondaı-aq, taýarlyq gazdy tasymaldaýmen jáne satýmen aınalysatyn «Azııa Gaz Chýndja» gaz taratýshy kompanııasyn memleket menshigine berdi. Kompanııanyń naryqtyq quny 14 mlrd teńgege jýyq.

Sonymen qatar, quny 9 mlrd teńge bolatyn «Servısnyı Tsentr KazTýrboRemont» JShS munaı-gaz jabdyqtaryn óndirý jáne jóndeý zaýyty memleket menshigine ótedi. Kásiporyn jumysshylarynyń sany 740 adamdy quraıdy.

Bul nysandardyń barlyǵy memlekettik paıdasyna ótedi.

Aıta keteıik, keshe Qaırat Boranbaev Almatydaǵy iri saýda ortalyǵy men birqatar nysandy memleketke berdi. 

Al, 17 qazan kúni ol óz erkimen 30 mlrd teńgeni memleketke qaıtarǵan bolatyn. 

Sondaı-aq, 16 qazanda Boranbaev quny 1,4 mlrd teńge bolatyn qonaq úıin memleket menshigine beretini jarııalanǵan.