Boranbaev quny 1,4 mlrd teńge bolatyn qonaq úıin memleket menshigine beredi

Qaırat Boranbaev memleketke jalpy quny 1,4 mlrd teńgeden asatyn «Comfort Hotel Astana» qonaq úı keshenin qaıtaratyn boldy, dep habarlaıdy Kazinform Qarjy monıtorıngi agenttiginiń baspasóz qyzmetine silteme jasap. 

"Q.Boranbaevtyń kompanııalary Memlekettik múlik komıtetine jalpy quny 1,4 mlrd teńgeden asatyn «Comfort Hotel Astana» qonaq úı keshenin memleket menshigine óz erkimen berý úshin tıisti ótinimder berdi.

Aýmaǵy 5 myń sharshy metrden asatyn bul qonaq úı kesheniniń jyldyq aınalymy 900 mln teńgege jýyq" delingen habarlamada.

Qoldanystaǵy zańnamaǵa sáıkes bul nysandy áleýmettik maqsatta demalys, saýyqtyrý jáne bilim berý ortalyqtaryn uıymdastyrý úshin paıdalaný josparlanýda.