Boran, jel, kóktaıǵaq – Jumaǵa arnalǵan aýa raıy boljamy
NUR-SULTAN. QazAqparat – Sınoptıkterdiń boljaýynsha, juma kúni elimizdiń basym bóliginde boran, kúshti jel soǵady, qalyń qar túsip, kóktaıǵaq bolady.
Qazgıdromettiń málimetinshe, 24 qańtarda Qazaqstan aýmaǵynyń kóp bóligine Jaıyqtyń ústinde ornalasqan tsıklon áser etedi. Osyǵan baılanysty jaýyn-shashyn kóbinese qar túrinde bolady, ońtústik-batysta keı jerlerde qatty jaýyn-shashyn túsedi. Elimizdiń keı jerlerinde tuman, kóktaıǵaq, burqasyn kútiledi, jel kúsheıedi.
Jambyl oblysynda keı jerlerde jel soǵady, kúshi 15-20, kúndiz ekpini 23-28 m/s, oblystyń ońtústik-batysynda 30 m/s jáne odan asa kútiledi, keı jerlerde tuman, kóktaıǵaq, jaıaý burqasyn kútiledi.
Pavlodar oblysynda burqasyn, keı jerlerde kóktaıǵaq saqtalady, jel 15-20 m/s, keı jerlerde 23-28, ekpini 30 m/s jáne odan asa soǵady, kúndiz keı jerlerde 15-20 m/s kúsheıedi.
Shyǵys Qazaqstan oblysynyń keı jerlerinde tuman, kóktaıǵaq, burqasyn kútiledi, jel keı jerlerde 15-20, ekpini 23-28 m/s kúsheıedi.
Qaraǵandy oblysynda keı jerlerde tuman, kóktaıǵaq burqasyn kútiledi, jel keı jerlerde 15-20, túnde ekpini 23-28 m/s.
Qostanaı, Soltústik Qazasqstan oblystarynda keı jerlerde tuman, kóktaıǵaq, burqasyn, jel 15-20 m/s kútiledi.
Túrkistan oblysynda keı jerlerde tuman, kóktaıǵaq kútiledi, jel 15-20, kúndiz ekpini 23-28 m/s kúsheıedi, kúndiz boran soǵýy yqtımal.
Aqmola oblysynda jel túnde 15-20, ekpini 23 m/s, kúndiz 15-20 m/s, keı jerlerde boran soǵyp, kóktaıǵaq bolýy yqtımal.
Qyzylorda, Mańǵystaý oblystarynyń keı jerlerinde tuman, kóktaıǵaq kútiledi, jel 15-22 m/s.
Almaty oblysynyń Jalańashkól aýdanynda jel 18-23 m/s kúsheıedi, túnde keı jerlerinde tuman túsýi múmkin.
Aqtóbe oblysynyń keı jerlerinde kóktaıǵaq kútiledi, túnde keı jerlerde jel 15-20 m/s kúsheıedi, jaıaý burqasyn soǵady.
Atyraý oblysynyń keı jerlerinde kóktaıǵaq, Batys Qazaqstan oblysynyń keı jerlerinde tuman kútiledi.
