Boran, jańbyr, kóktaıǵaq: Qazaqstannyń 15 óńirinde eskertý jarııalandy

ASTANA. KAZINFORM - Qazaqstannyń 15 oblysynda aýa raıyna baılanysty eskertý jarııalandy, dep habarlaıdy Qazgıdromet.

Kásiporynnyń boljamyna qaraǵanda, 4 aqpanda Abaı oblysynda túnde qar jaýyp, boran soǵady. Kúndiz oblystyń soltústiginde, shyǵysynda jáne ońtústiginde qar men boran kútiledi. Soltústik pen ońtústikte tuman túsedi. Jel batystan, soltústik-batystan soǵyp, shyǵysy men ortalyǵynda ekpini 15–20 m/s-qa jetedi.

Aqmola oblysynyń soltústigi men shyǵysynda tuman kútiledi. Kúndiz jel ońtústik-shyǵystan soǵyp, oblystyń batysy men soltústiginde ekpini 15–20 m/s bolady.

Aqtóbe oblysynyń soltústigi men ortalyǵynda túnde qalyń qar, kúndiz nóserli jaýyn-shashyn (jańbyr, qar) kútiledi. Kóktaıǵaq bolady, al ońtústiginde, shyǵysynda jáne ortalyǵynda tuman túsedi.

Atyraý oblysynyń soltústigi men shyǵysynda azdaǵan qar, jaıaý burqasyn kútiledi. Batysynda, soltústiginde jáne ońtústiginde tuman men kóktaıǵaq bolady. Soltústik-batystan soqqan jeldiń ekpini keı jerlerde 15–20 m/s-qa jetedi. Sonymen qatar kúndiz aýa temperatýrasy 5–10 gradýs aıazǵa deıin tómendeıdi, al 5 aqpanda túnde 17–22 gradýsqa deıin sýytady.

Almaty oblysynyń taýly aýdandarynda túnde keı ýaqytta qatty jaýyn-shashyn (jańbyr, qar) kútiledi. Soltústiginde, ońtústiginde jáne taýly óńirlerinde tuman túsip, joldarda kóktaıǵaq bolady. Jel soltústik-batystan soltústik-shyǵysqa aýysyp, keı jerlerde 15–20 m/s-qa deıin kúsheıedi.

Shyǵys Qazaqstan oblysynda qar jaýyp, boran soǵady. Soltústigi men ońtústiginde tuman kútiledi. Jel ońtústik-batystan, batystan soǵyp, ońtústik-shyǵysynda ekpini 15–20 m/s bolady.

Jambyl oblysynyń shyǵysy men taýly aımaqtarynda túnde kóktaıǵaq kútiledi. Keı ýaqytta tuman túsedi. Jel ońtústik-shyǵystan soltústik-shyǵysqa aýysyp, taýly óńirlerde 15–20 m/s-qa jetedi.

Jetisý oblysynyń taýly aýdandarynda túnde qatty jaýyn-shashyn (jańbyr, qar) bolýy múmkin. Soltústiginde, ortalyǵynda jáne taýly óńirlerinde tuman túsip, joldar kóktaıǵaq bolady. Jel shyǵysynda jáne taýly aımaqtarda 15–20 m/s-qa deıin kúsheıedi.

Batys Qazaqstan oblysynyń soltústiginde túnde, al shyǵysynda kúndiz qar men jaıaý burqasyn kútiledi. Soltústiginde, shyǵysynda jáne ońtústiginde tuman men kóktaıǵaq bolady. Jel soltústik-batystan jáne soltústikten soǵyp, ekpini 15–20 m/s-qa jetedi.

Qaraǵandy oblysynyń batysynda, soltústiginde jáne shyǵysynda tuman kútiledi.

Qostanaı oblysynyń batysynda, soltústiginde jáne ońtústiginde tańerteń jáne kúndiz jaýyn-shashyn (negizinen qar), jaıaý burqasyn men kóktaıǵaq bolady. Soltústigi men shyǵysynda tuman túsedi.

Qyzylorda oblysynda tuman kútiledi, al batysynda kóktaıǵaq bolady.

Mańǵystaý oblysynyń batysynda, soltústik-shyǵysynda jáne ortalyǵynda túnde jaýyn-shashyn (jańbyr, qar), jaıaý burqasyn men kóktaıǵaq kútiledi. Kúndiz de osy qubylystar saqtalady. Soltústigi men ortalyǵynda tuman túsedi. Jel soltústikten soǵyp, ekpini 15–20 m/s bolady.

Pavlodar oblysynyń soltústigi men shyǵysynda tuman kútiledi.

Soltústik Qazaqstan oblysynyń batysynda kúndiz qar men boran bolady. Túnde jáne tańerteń tuman túsedi. Jel ońtústik-shyǵystan soǵyp, keı jerlerde 15–20 m/s-qa deıin kúsheıedi.

Túrkistan oblysynyń batysynda, soltústiginde, ońtústiginde jáne taýly aımaqtarynda tuman kútiledi. Jel taýly asýlarda jáne keı óńirlerde 15–20 m/s-qa jetedi.

Ulytaý oblysynyń soltústiginde, ońtústiginde jáne ortalyǵynda tuman bolady. Kún sońyna qaraı jel kúsheıip, ekpini 15–20 m/s-qa jetýi múmkin.

Osyǵan deıin Ázerbaıjanda eń belsendi balshyq janartaýlarynyń biri atqylaǵany týraly jazdyq.