Boran, tuman jáne kóktaıǵaq: aldaǵy kúnderi aýa raıy qubylmaly bolady

ASTANA. KAZINFORM — Qazaqstan aýmaǵynyń kóp bóliginde atmosferalyq fronttardyń áserinen aýa raıy turaqsyz bolady, jańbyr men qar túrinde jaýyn-shashyn kútiledi. Bul týraly «Qazgıdromet» RMQ málim etti.

— Eldiń soltústik-shyǵysynda jáne ortalyǵynda qalyń qar jaýady, al ońtústik pen ońtústik-shyǵysta keı kezderi kúshti jaýyn-shashyn (jańbyr, qar) bolady. Respýblıka boıynsha jel kúsheıip, kóktaıǵaq, tuman kútiledi, al soltústik óńirlerde boran bolýy múmkin, — delingen habarlamada.

Eldiń kóptegen oblystarynda aýa temperatýrasynyń joǵarylaýy kútiledi:
Batysta túnde 15–28° aıazdan 6° aıaz–2° jylýǵa deıin, kúndiz 2–13° aıazdan 0–10° jylýǵa deıin;

Ońtústik-batysta túnde 8–16° aıazdan 6° aıaz–2° jylýǵa deıin, kúndiz 0–8° aıazdan 5–13° jylýǵa deıin;

Soltústik-batysta túnde 22–33° aıazdan 2–10° aıazǵa deıin, kúndiz 15–20° aıazdan 2° aıaz–3° jylýǵa deıin;

Soltústikte túnde 15–33° aıazdan 10–23° aıazǵa deıin, kúndiz 15–25° aıazdan 0–7° aıazǵa deıin;

Ortalyqta túnde temperatýra 2–15° aıazdan 15–30° aıazǵa deıin tómendep, 12 naýryzda 10–21° aıazǵa deıin joǵarylaıdy; kúndiz 2–15° aıazdan 10–20° aıazǵa deıin tómendep, 12 naýryzda 0–10° aıazǵa deıin kóteriledi;

Shyǵysta túnde 0–8° aıazdan 15–30° aıazǵa deıin tómendep, kúndiz 2° aıaz–3° jylýdan 3–18° aıazǵa deıin;

Ońtústikte túnde 2–21° aıazdan 7–23° aıazǵa deıin tómendep, kúndiz 13° aıaz–5° jylýdan 0–5° jylýǵa deıin;

Ońtústik-shyǵysta túnde 11° aıaz–5° jylýdan 10–28° aıazǵa deıin tómendep, kúndiz 6° aıaz–7° jylýdan 0–15° aıazǵa deıin bolady.

Eske sala keteıik, aýa raıyna baılanysty eki óńirde kólik qozǵalysy shekteldi.