Boran, tuman, kóktaıǵaq: Qazaqstanda kún raıyna baılanysty eskertý jarııalandy
ASTANA. KAZINFORM – Sınoptıkter Qazaqstan boıynsha aýa raıyna baılanysty eskertý jarııalady, dep habarlaıdy Kazinform «Qazgıdromet» RMK-na silteme jasap.
Kúndiz Abaı oblysynyń soltústiginde azdaǵan qar jaýyp, jaıaý burqasyn bolady. Túnde jáne tańerteń oblystyń ońtústiginde tuman túsedi. Aıagóz aýdanynda soltústik-shyǵystan soqqan jeldiń ekpini 15-20 m/s.
Almaty oblysynyń ońtústiginde jáne taýly aýdandarynda qar jaýady, túnde keı ýaqytta qalyń qar jaýýy yqtımal. Ońtústikte jáne taýly aýdandarda tuman, kóktaıǵaq, jaıaý burqasyn boljanady. Soltústik-shyǵys jeli ońtústikte, taý bókteri men taýly aýdandarda 15-20 m/s, keıde 25 m/s-qa deıin kúsheıedi.
Kúndiz Shyǵys Qazaqstan oblysynyń soltústiginde azdaǵan qar jaýyp, jaıaý burqasyn bolady. Túnde jáne tańerteń soltústikte tuman túsedi. Túnde soltústikte 41 gradýs qatty aıaz.
Jambyl oblysynyń taýly aýdandarynda qar jaýady, túnde keı ýaqyttarda qalyń qar túedi. Jaıaý burqasyn, tuman, kóktaıǵaq boljanady. Soltústik-shyǵys jeliniń ekpini túnde oblystyń soltústik-shyǵysynda jáne taýly aýdandarynda, kúndiz taýly aýdandarda 15-20 m/s.
Jetisý oblysynyń shyǵysynda, ortalyǵynda jáne taýly aýdandarynda qar jaýady, túnde keı ýaqytta qalyń qar túsýi múmkin. Shyǵysta jáne taýly aýdandarda tuman, jaıaý burqasyn, joldarda kóktaıǵaq bolady. Soltústik-shyǵys jeliniń jyldamdyǵy shyǵysta jáne taýly aýdandarda 15-20 m/s.
Batys Qazaqstan oblysynyń batysy men ońtústiginde tuman túsedi.
Túnde Qaraǵandy oblysynyń soltústik-shyǵysynda 35 gradýs aıaz bolady.
Qostanaı oblysynyń batysy men ońtústiginde qar jaýyp, jaıaý burqasyn bolady. Ońtústigi men shyǵysynda tuman túsedi.
Qyzylorda oblysynda kóktaıǵaq bolady. Oblys ortalyǵynda soltústik-shyǵys jeli 15-20 m/s-qa jetedi.
Kúndiz Mańǵystaý oblysynyń batysy men ortalyǵynda kóktaıǵaq bolady. Túnde jáne tańerteń ortalyǵynda tuman túsedi. Shyǵys jeli batysta, ońtústikte jáne ortalyqta 15-20 m/s.
Túnde Túrkistan oblysynyń batysynda, ońtústiginde jáne taýly aýdandarynda jaýyn-shashyn (jańbyr, qar) kútiledi, kúndiz taýly aýdandarda jaýyn-shashyn bolady. Batysynda, ońtústiginde jáne taýly aýdandarynda tuman boljanady. Taýly aýdandarda kóktaıǵaq, jaıaý burqasyn bolady. Soltústik-shyǵys jeli batysta, soltústikte jáne taýly aýdandarda 15-20 m/s.
Osyǵan deıin Kaspııden Atyraýǵa shańdy daýyl soqqany týraly jazdyq.
