Boran soǵýyna baılanysty respýblıkalyq mańyzy bar avtojoldar jabyldy
ASTANA. 16 naýryz. QazAqparat - Búgin saǵat 12.00-den bastap aýa raıynyń qolaısyzdyǵy (qatty boran) jáne joldyń nashar kórinýine baılanysty respýblıkalyq mańyzy bar avtojoldarynyń eki ýchaskesinde jolaýshy jáne júk kólikterine jol júrýge shekteý qoıyldy,
dep habarlady QR Kólik jáne kommýnıkatsııa mınıstrliginiń baspasóz qyzmetinen.
Atap aıtqanda, Ońtústik Qazaqstan oblysynda Almaty-Tashkent-Termez avtojolynyń «Rýbej» beketi men Shaqpaq baba (593-606 shaqyrym) ýchaskesi, Shyǵys Qazaqstan oblysynda Óskemen-Zyrıanovsk-Rahmanov qaınar bulaqtary avtojolynyń Óskemen-Zyrıanovsk (0-164 shaqyrym) ýchaskesinde kólik qozǵalysyna shekteý qoıyldy.
Sonymen qatar, vedomstvonyń atap ótýinshe, budan buryn jabylǵan Almaty oblysyna qarasty Qapshaǵaı-Kúrti, Úsharal-Dostyq jáne Shyǵys Qazaqstan oblysyna qarasty Birjan-Terekti ýchaskelerinde áli de jol qatynasyna shekteý qoıylǵan.
