Boran: ShQO qutqarýshylary turǵyndarǵa kómekke kelýde
ShQO Tótenshe jaǵdaılar departamenti baspasóz qyzmetiniń málimetine súıensek, Ulan aýdany Troınıtskoe aýylynda er adamǵa shuǵyl medıtsınalyq kómek qajet bolǵan. Alaıda boran soǵyp, osy baǵyttaǵy joldar jabylyp qalǵandyqtan dárigerler sol jaqqa jete almady.
«Jedel-qutqarý jasaǵynyń qyzmetkerleri jol talǵamaıtyn «Trekol» tehnıkasymen oqıǵa ornyna shyqty. Kórshi Kamenka aýylynda qan qysymy joǵarylap ketken qart áıel de dárigerlerdi shaqyrtqan. Qutqarýshylar er adam men áıeldi Tavrııa aýylyndaǵy ortalyq aýdandyq aýrýhanaǵa jetkizdi», delingen aqparatta.
Kókpekti aýdany Shubarqaıyń aýylynyń mańyndaǵy tasjolda 1 kólik qar qursaýynda qalǵan. Júrgizýshi qutqarýshylarǵa habarlasyp, kómek surady. Oqıǵa ornyna kelip jetken 51-shi órt sóndirý bóliminiń qyzmetkerleri kólikti shyǵaryp, jaqyn mańdaǵy aýylǵa jetkizdi.
