Boran: ShQO-da birneshe baǵyttaǵy jol jabyldy

ÓSKEMEN. QazAqparat – Shyǵys Qazaqstan oblysynda boranǵa baılanysty joldar jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda birneshe jol kóliktiń barlyq túri úshin jabyq tur.

«Aýa raıynyń qolaısyzdyǵyna, naqty aıtqanda qalyń qar jaýyp, boran soǵýyna baılanysty respýblıkalyq mańyzy bar «Omby-Maıqapshaǵaı-Qaljyr-Marqakól» tasjolynyń 0-124 shaqyrymynda (Qaljyr men Marqakól aýyldarynyń aralyǵy), oblystyq mańyzdaǵy «Altaı-Chapaevo» tasjolynyń 0-36 shaqyrymynda kólik qozǵalysyna tolyqtaı tyıym salynǵan», - delingen aqparatta.

Osy rette, oblystyq TJD mamandary óńir jurtshylyǵyna alys jolǵa shyǵar aldynda barynsha abaı bolýǵa shaqyrady. Tótenshe jaǵdaı týyndaǵan kezde birden «112» telefon nómirine qońyraý shalý qajet.