Boran: ShQO-da birneshe baǵytta joldar jabyldy

ÓSKEMEN. QazAqparat – Shyǵys Qazaqstan oblysynda boranǵa baılanysty joldar jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda birneshe jol kóliktiń barlyq túri úshin jabyq tur.

«Aýa raıynyń qolaısyzdyǵyna, naqty aıtqanda boran soǵyp, joldyń durys kórinbeýinen respýblıkalyq mańyzy bar «Shemonaıha - Reseı Federatsııasynyń shekarasy», «Gerasımovka - Semeı», «Qaısenov - Qalbataý» tasjoldarynda kólik qozǵalysyna tolyqtaı tyıym salyndy», - delingen aqparatta.

Osy rette, oblystyq TJD mamandary óńir jurtshylyǵyna alys jolǵa shyǵar aldynda barynsha abaı bolýǵa shaqyrady. Tótenshe jaǵdaı týyndaǵan kezde birden «112» telefon nómirine qońyraý shalý qajet.