Boran saldarynan Úsharal-Dostyq joly jabyldy
TALDYQORǴAN. QazAqparat - Almaty oblysynyń Úsharal-Dostyq baǵytynda qatty boran saldarynan jol jabyldy, dep habarlaıdy QazAqparat tilshisi.
Saǵat 16:00-den bastap 84-shi shaqyrymnan 184-i kılometrge deıingi aralyǵynda kóliktiń barlyq túrlerine qozǵalys toqtady. Bul jerdegi jeldiń jyldamdyǵy 24 m/s. Óńir turǵyndaryna jolǵa shyqpaý týraly SMS habarlama jiberildi. Sondaı-aq, oblystyq tótenshe jaǵdaılar departamentiniń mamandary aldaǵy kúnderi ózenderde seń jınalyp, sý deńgeıi kóterilýi múmkin dep eskertedi.
